Txostenak dioenez, iaz, "EAEko ekonomiak ahultasun handiko irudia eskaini zuen berriro", bere BPG erreala %0,6 baino ez baitzen hazi. "Tasa hori aurreko urtekoa baino zertxobait altuagoa da, baina oso urrun dago krisiaren aurreko balioetatik", azpimarratzen du Ekonomia eta Plangintza Zuzendaritzak. Erakunde horren esanetan, "dagoeneko bi urtez jarraian hazkunde positiboa lortu badu ere, ezin izan du 2009an galdu zuen ekoizpena berreskuratu eta oraindik 2008an lortutako datuaren puntu batzuk beherago zegoen".
Ez hori bakarrik: iaz, hiruhilekoz hiruhilekora arte "etsigarri" ibili zen ekonomia. Emaitza onena (%0,9) urte hasieran, lehenengo hiruhilekoan lortu zuen, eta geroztik, "moteltzeko joera" erakutsi zuen, eta urte amaierako hazkunde tasa %0,2 izan zen.
Hirugarren urtez jarraian, barne eskariak balio negatiboak izan zituen. Beraz, "ekonomiaren bultzada kanpo arlotik iritsi zen, esportazioak suspertu zirelako", esaten du Ekonomia eta Plangintza Zuzendaritzak.
Txosten osoa deskargatu daiteke helbide honetan: www.ogasun.ejgv.euskadi.net.