Iazko martxoaren 23an Gorenak Sortu ez erregistratzea erabaki zuen, ETAk diseinatu zuelakoan Batasunari jarraipena emanez maiatzaren 22ko Udal Hauteskundeetan egoteko helburuarekin. Alderdiaren abokatuek horren kontrako helegitea sartu zuten Konstituzionalean maiatzaren 18an, legez kanporatzea "badaezpadakoa" izan zelakoan.
Orain bi aste egindako osoko bilkuran ekin zioten legeztatzearen gaineko epaia eztabaidatzeari eta gaur, eguaztena, hartu dute erabakia: aldeko sei eta kontrako bost botorekin, Konstituzionala bitan zatitu da.
Adierazpenik ez oraingoz
Sorturen bultzatzaileetako bat izan zen Karmele Agirregabiriarekin harremanetan ipinita, esan digu ez dutela adierazpenik egingo taldean bildu eta balorazio bat egin arte.
Dena dela, Sortuk gaur eguerdirako iragarr du prentsaurrekoa. Hantxe emango dute aditzera alderdia legeztatu osteko iritzia.