Fagor Mueblek, Danonak eta Coinmak, Mondragon Korporaziokoak hirurak, bat egin dute eta FGM (Furniture Group - Grupo Mueble) elkarte kooperatiboa sortu dute. Helburua da altzarigintza sektorean lehiakorragoak izatea.
Kooperatiba berriak hiruren zereginak egingo ditu: sukaldeko (Fagor Mueble), etxeko (Danona) eta bulegoko (Coinma) altzariak diseinatu, egin eta merkaturatu. Aurten, salmenten %30 esportazio bidez izatea eta salmentak, orokorrean, %15 gehiago izatea espero dute. Gainera, berrikuntzan eta produktu berriak garatzean salmenten %5 baino gehiago inbertituko dute.
FGMk Mondragon Korporazioko Etxebizitza Dibisioan jarraituko du.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.