Diru-laguntzek bi ildo izango dituzte. udalentzako ildoak 272.000 euro ditu; eta herri mugimenduei bideratutakoak, 90.000.
Diru-laguntzetara aurkeztutako programek eta egitasmoek honako irizpide orokor hauek bete beharko dituzte, besteak beste: euskara sustatzea, kohesio elementu gisa; jatorri aniztasuna bultzatzea, elkarren aitortzarako estrategia gisa; eta aukera berdintasuna bermatzea eta pertsonen zuzeneko parte-hartzerako eskubideari begirunea izatea. Udalei dagokienez, proiektuok bertako herritarren jatorri aniztasunari buruzko diagnostikoak edo ezberdintasunerako eskubidearen eta aukera berdintasunaren aldeko egitasmoak har ditzakete barne, baita sentsibilizazio edo prestakuntza programak ere.
Udalek aurkeztutako proiektuek 18.000 euro jasoko dituzte gehienera -24.000 euro, mankomunitate batek edo udal talde batek aurkeztuz gero-; herri mugimenduenek, 3.000.
Bai udalek bai elkarte edo taldeek hiruna proiektu aurkeztu ahal izango dituzte. Diru-laguntza deialdia ekainaren 18ko Gipuzkoako Aldizkari Ofizialean argitaratuko da eta eskaerak hortik aurrera aurkeztu beharko dira, uztailaren 18ra bitarte.