Infantil mailako Arizmendiko areto futboleko taldeak ezin izan zuen Euskadiko Txapelketa irabazi. Zapatu goizean Zarautzen jokatutako finalean, 3-1 galdu zuen Arizmendik Bilboko Berrio-Otxoa taldearen aurka. Aretxabaleta, Arrasate eta Eskoriatzatik 60 lagun inguru joan ziren Zarautzera, gaztetxoak animatzera, baina ezin izan zuten garaipena eskuratu.
Bizkaitarrek egin zuten lehenbiziko gola eta Edu Bujandak egin zuen banakoa atsedenaldiaren aurretik. Bigarren zatian egin zituzten Berrio-Otxoakoek garaipena eman zieten beste bi golak.
Edozelan ere, denboraldi bikaina egin dute Antxon Isas-Iasasismendi eta Mikel Alcaideren taldeak. Ligan bigarren geratu ondoren, finalean Erain taldeari 7-5 irabazi zioten; jarraian Arabako txapeldunari, Aguraini, 2-1 irabazi zioten eta zapatuan, aldiz, galdu egin zuten bizkaitarren aurka.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.