Aurtengo edizioan ere bakoitzaren mailaren arabera bi ibilbide ezberdin egiteko aukera izan dute parte-hartzaileek, Mari eta Azpiko. Baina esan bezala, eguraldi kaxkarra egin du eta antolatzaileek ibilbidea moldatu beharra izan dute. "Hasieran ibilbidea luzea aukeratu duten mendizale batzuk Udalatx igotzeko aukera izan dute. Baina eguraldia kaxkartzen joan da eta Anboto ere ibilbidetik kendu behar izan dugu", adierazi dute antolatzaileek.
Mendizaleek berez ondo dakite eguraldi txarrarekin arriskutsua dela Anboto eta Udalatxera igotzea. Baina orokorrean parte-hartzaileak pozik azaldu dira, bustita, baina oso gustura. Izan ere, Aiba!-k ez dauka lehiakortasunerako grinarik, laguna atzean utzi baino lagunartean egiteko pentsatuta dagoen martxa da.
170 mendizale
Aurtengoan 170 mendizalek bakarrik parte hartu dute (aurrekoetan 300 lagunek) eta antolatzaileen ustetan, "Ez dugu uste aurtengo edizioak Hiru Handiak proba ezagunarekin bat egiteak eraginik izan duenik". Dena dela, hurrengo edizioari begira egoera aztertuko dutela ziurtatu dute antolatzaileek.