Eusko Jaurlaritzako eta Euskaldendetako ordezkariek etzi, domeka, Zumaian, banatuko dizkiete kalitate ziurtagiriak EAEko 26 herriko 144 komertzioko ordezkariei. Euskalit-ek, Kalitatearen Euskal Fundazioak ematen ditu UNE 175001 agiriak. Bezeroari arreta, emandako zerbitzua eta langileen profesionalizazioa aitortzen ditu ziurtagiri horrek. Arrasate da saritutako komertzio gehien dituen bigarren herria, Basauriren (26) atzetik.
UNE 175001 ziurtagiriak kalitate-parametro batzuetara behartzen ditu komertzioak: besteak beste, salgai dituzten artikuluak ondo erakustea, lokalak ondo argiztatzea eta tenperatura egokian izatea, langileak abegitsuak izatea edo etengabe hobetzeko egiten duten lana.
Euskaldendak konfederazioak EAEko 4.300 denda eta ostalaritza establezimendu inguru batzen ditu.