Martxoaren 20an bi erakundeen arteko elkarrizketa formalen hasiera jendaurrean aurkeztu zenetik, integrazio-egutegia aurreikusitakoaren arabera betetzen ari da, eta azaroan amaitzea espero da. Nekazaritza-elikagaien zein industriaren sektoreak eta banka-aseguruen negozioa sendotu nahi da entitate berria sortzen denean.
Euskadiko Kutxak esaten duenez, bera eta Ipar Kutxa bat datoz helburu nagusian: "proiektu kooperatiboa garatu nahi dute biek, kaudimen eta efizientzia maila handikoa, gure herrian sortua eta gure ekonomiarentzat eragile izango dena. Gure ereduak erakundeak kudeatzeko bestelako moduak sustatu nahi ditu finantza-sektorearen bankarizazioaren aurrean. Horretarako, kooperatibismoan oinarrituko dira, biek partekatzen duten eredua baita".
25.000 milioiko aktiboak
Integrazio-proiektua onartutakoan, gizarte-ekonomiako finantza-entitatea sortzeko prozesua finkatu egingo da, jarduten duten merkatuei finantza- eta aseguru-zerbitzuak eskaintzeko.
Bategitetik sortuko den kreditu-kooperatibak honako hauek izango ditu: 25.000 milioitik gorako aktiboak, sendo kapitalizatua, 1,3 milioi bezero eta 2.500 lagunetik gorako lantaldea.