Iñigo Uribarren jauzilari arrasatearrak, bestalde, sekulako marka lortu zuen jauzi hirukoitzean: 15,33 metro. Espainian bigarren jauzirik onena da berea, izan ere, oso atleta gutxik lortzen dute 15 metrotik gorako marka egitea. Beraz, uztailean Bartzelonan jokatuko den munduko txapelketarako hautagai sendoa izan daiteke. Zaleek behin eta berriz oihukatu zuten: "Iñigo Bartzelonara!". Espainiako hautatzailea ere izan zen Mojategin; Uribarren gogoan hartuko duela ziurra da, beraz.
Zapatuan Mojategin jokatu zen Gipuzkoako txapelketan bi izen dira nabarmentzekoak: Iñigo Uribarren Arrasateko luzera-jauzilaria eta Marisol Ramos korrikalari oñatiarra. Ramosek Gipuzkoako txapeldun izatea lortu zuen 3.000 eta 800 metroko probetan; are gehiago, Euskadiko errekorra ondu zuen 800 metroetan 2.38,08ko marka eginda. Marka ona egin arren adierazi zuen lehiakortasunik izan ez zenez, ez zuela beste batzuetan moduan gozatu. Argüí dagoena da sasoi betean dagoela.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak