Herriarteko pilota txapelketa: Bergarak hiru lehiak irabazi; Arrasatek, berriz, hiruak galdu

Herriarteko pilota txapelketaren barruan, Bergarak ezin hobeto ekin dio Zestoako taldearen aurkako kanporaketari. Itzulikoan hiru lehiak galdu beharko dituzte eta oso tanto gutxi egin txapelketatik kanpo geratzeko, egubakoitzean  hiru lehiak irabazi zituzten-eta. Arrasatek, berriz, ia ezinezkoa du aurrera egitea, Hernaniren aurka hiru lehiak galdu ostean. Aurten ere faboritoetako bat da Hernani –iaz txapeldunak izan ziren eta ia pilotari berak dituzte– eta garbi geratu zen hori Uarkapen jokatutako joaneko kanporaketan.