Debarroko pilota txapelketa: Arrasaten eta Bergaran geratu dira txapelak

Bergarako pilotalekuan jokatu dira gaur goizean Debarroko LXV. pilota txapelketako finalak. Kadete mailan Arrasate izan da garaile Debako Euskal Jolas taldeari irabazi ostean (22-3); Arrasateko Moron eta batez ere Garatek partidu borobila egin dute. Gazte mailan ere Arrasaten geratu da txapela, Bergara menderatuta. Prieto eta Arregi 22-10 gailendu dira Etxaniz eta Diezen aurrean. Eta nagusien mailan, azkenik, Muguruza eta Jauregi bergararrek 22-13 irabazi dute Atxotegi eta Aldape elgetarren aurrean. Beraz, Debarroako txapelketako txapel guztiak Debagoienean geratu dira.