EAJren herrialde buru batzarretako presidenteek (Andoni Ortuzar, Joseba Egibar, Xabier Agirre, Manu Aierdi eta Txaro Goikolea), Pilar Garcia de Salazar EBBren Idazkariak eta Joseba Aurrekoetxea burukideak osatu duten Batzordea izan da, aldi berean, Euzkadi Buru Batzarrerako hautagaia aho batez proposatu duena.
EAJk aurreko asteetan afiliatuen artetik 25 izenen proposamenak jaso ditu Jaurlaritzako lehendakarigai izateko, eta haien artean zen Iñigo Urkullu. Beste batzuk: Juan Jose Ibarretxe Jaurlaritzako lehendakari ohia (1999-2009), Josu Erkoreka Kongresuko parlamentaria, Izaskun Bilbao europarlamentaria, Jose Luis Bilbao Bizkaiko ahaldun nagusia eta Andoni Ortuzar BBBko presidentea. Ibarretxek berak, bere burua baztertu zuen lehendakarigairako.
2007tik EBBko presidentea da Urkullu (Alonsotegi, 1961), Josu Jon Imazen lekua hartuta.