Jokalariei inork ezin izango die aurpegiratu azkenera arte borrokatu ez dutenik, eta, behin honaino iritsita, ez dute azken partiduetan amorerik emateko asmorik. Hala, domekan Ibarran jokatuko duten derbia ezinbestean irabazi beharko dute, eta ikusi egin beharko da Hondarribiak zer egiten duen Real Unionen zelaian. Izan ere, azken jardunaldiari begira zuri-moreek esperantzekin irten nahi dute Aretxabaletakoen zelaitik.
Gainontzeko ordezkariei dagokienez, Aloñak Oiartzunen kontra jokatuko du Azkoagainen eta Berioren zelaira joango da Bergara.