Eusko Jaurlaritzako hiru ordezkariek prentsaurrekoan jakinarazi dute gaur larregi zorpetutako familiei laguntzeko zerbitzua abian dela, etxebizitza galtzeko edo baztertuta geratzeko familiei "bigarren aukera bat" eskaintzeko helburuarekin.
Esandako abantailez gain, bitartekaritza-zerbitzu publiko eta doakoa martxan jarri dela esan dute Mendiak, Arriolak eta Colliak. Honen egitekoa hauxe izango da: familien gainzorpetzearen arazoa jorratzea, eta bitartekaritzaren bidez ziurtatzea zorra kitatzeko ahalik eta baldintzarik onenak izango dituztela.
Honez gain, Kontsumobidek, hipoteka-mailegua kontratatzera doan kontsumiltzailearen egoera ebaluatuko du, hipotekarik egokiena kontrata dezan.
Zerbitzua azaltzen duten eskuorriak egin ditu Justizia Sailak, eta horiek jaitsi daitezke Irekia informazio zerbitzuaren webgunetik.