Euria eta euria. Horixe da apirilean egin duena; izan ere, ia egunero izan dugu euria. Are gehiago, urteko lehen hiru hilabeteetan baino euri gehiago egin du apirilean. Hala, urtegiak ere bete dira. Horixe da Urkuluren kasua ere, %100 dago beteta. Gaurkoa dugu hileko azken eguna eta Euskalmet Euskal Meteorologia Agentziak jakinarazi duenez, eguraldi ezegonkorra izango dugu.
Astelehen goizean eguzkia ikusteko aukera izango dugu; nahiz eta, hodeiak tartekatuko diren ostarte zabalekin. Arratsalderako ugaritu egingo dira hodeiak eta zaparradak ere utziko dizkigute. Tenperaturari dagokionez, ez da gorabehera handirik izango; maximoak 16 eta 19º artekoak izango dira.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.