Adegik 2002 ezkero egiten ditu enpresaburuak formatzeko programa, eta 290 gerente, zuzendari orokor eta enpresaburutik gora prestatu ditu.
Ikasteko sistema malgua du e-Direktiboak programak, eta norberari egokitzen zaio, edukietan eta denboran. Hiru zutabetan oinarritzen da: bakoitzak bere aldetik lantzen ditu edukiak; taldeka lan egiten da ere; eta sare-formakuntza ere ematen du, adituek gidatutako foro, tailer, tertulia eta antzeko formatuekin.
Zuzendarientzako tresnak
Pertsonen garapenaren garrantzia azpimarratzen du Adegik: "Zuzendariek erakundeko pertsonak kudeatu ditzakete; negozioarekin bateragarriak diren balio eta konpetentzia-ereduak ezarri; eta hainbat politika ezartzen laguntzen duten tresnak eta teknikak ezagutarazi".
Lidergoari dagokionez, honela definitzen du Adegik: "Ingurukoendako bisio bat sortzeko, hura egia bihurtzeko eta denboran hari eusteko abiapuntua da". Horretarako, "lehenengo norberarengan eragin behar da, eta gero, ingurukoengan", esaten du Adegik.