Lan-istripu gutxiago izan da 1.000 langileko ere: %9,2 gutxiagorekin, 1.000 langileko 40,7 lan-istripu daude (55,8 2008an, 46,2 2009an eta 44,88 2010)ean. Gainera, %14 istripu larri gutxiago eta %9,6 istripu arin gutxiago izan ziren. Hala ere, langile gehiago hil zen: 15 heriotza izan ziren.
Sektoreka, eraikuntzan %22,5 istripu gutxiago izan ziren; zerbitzuetan, %9,3 gutxiago, eta industrian, %5,6 gutxiago. Lan-heriotza gehiago izan zen eraikuntzan (2 heriotzatik 4ra) eta zerbitzuetan (3tik 8ra).
Txostenak dioenez, lan-ezbehar kopurua progresiboki txikituz joan da, eta hamarkadako minimoetan dago, 2001eko indizetik oso gertu. Gainera, Gipuzkoa da lan-ezbehar gutxien dituen lurraldea.
Adegiren iritziz, "Gipuzkoako enpresek ekoizpen-jarduerek berezko dituzten arriskuen ondorioei eusteko egiten dabiltzan ahaleginak bistaratzen dituzte emaitzek".