Fronte bat iritsi da gurera, haize indartsuak ekarri dituena, ziklogenesi eran; zenbait kasutan 130-140 km/h indarra hartuko dute boladek. Horren aurrean Herrizaingo Sailak ohiko gomendioak kontuan hartzea eskatu du:
- Ateak, leihoak eta toldoak ondo itxi edo lotzea
- Kalera jausi daitezkeen objektuak erretiratu, lorontziak, adibidez.
- Obra elementuak (aldamioak, garbaiak…) ondo lotu.
- Kalean egonez gero, aldendu pareta, zuhaitz, publizitate hesi eta bestelakoez.
- Ahal bada, ez ibili errepidean.
Euri txikia eta tenperaturak gora
Euriari dagokionez, Euskalmeten arabera, gaurko frontea ez da oso emankorra izango, eta euri txikia baino ez du utziko, batez ere arratsaldetik aurrera.
Hori bai, haizea hegoaldetik dator, eta horren ondorioz, tenperaturek nabarmen egin dute gora. 08:00etan Arrasaten, adibidez, 12 gradu zeuden. Eta eguraldi adituen arabera, zenbait lekutan 20 ºC-tik gora ere koka daiteke.