Gaur BOE Espainiako Estatuko Aldizkari Ofizialean argitaratu dutenez, autonomia erkidegoek ekaina amaitu aurretik "moldatu" beharko dute botikak berrordaintzeko sistema. Osasun Sistema Nazionalaren (SNS) jasangarritasuna bermatzeko erreformen Errege Lege Dekretua joan den ostiralean onartu zuten Ministro Kontseiluan.
Arau berriaren arabera, "erabiltzailearen ordainketa bere errenta mailaren araberakoa izango da eta hori, gehienez, urtero berrituko da". Hala, urtean 100.000 euro baino handiagoko errenta dutenek sendagaien %60 ordaindu beharko dute; 18.000 eta 100.000 euro bitarteko errenta dutenek, %50; eta 18.000 eurotik beherako errenta dutenek, berriz, %40.
Osasun erreformaren helburua da 7.000 milioi euro aurreztea, Espainiako gobernuaren arabera.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.