Enplegu "zifra txarrak" onartuta, Planaren helburua da esportazioak, turismoa eta I+G-ko inbertsioak kontsolidatzea, eta lehenengo aldiz baloratu da modu konpartituan Lehiakortasun Plan bat.
Euskal enpresen esportatze-maila, I+G-ko inbertsioa eta Euskadik turismoan lortu dituen "marka historikoak" izan dira adierazle onenak.
Beste ondorio positibo bat: ekonomia, gizarte eta ingurumen-adierazleetan lider diren Europako 30 eskualdeetatik 2. da EAE. Ekonomian, lehenengoa da, eta Europako 206 eskualdeetatik 8. da.
Txarrago kokatuta dago gizarte eta ingurumen alderdietan: erreferentziazko 30 eskualdeetatik 15. da, eta 206 lurraldeetatik 127. postuan dago.
Hiru adierazle horiek batzen dituen adierazle globala hartuta, Euskadi 2. postuan dago, Ipar Westfalia (Alemania) lehenengo dagoela; eta 206 eskualdeak hartuta, 14. postuan dago.
Erreferentziazko 30 eskualde europarren artean honako hauek ere badaude: Katalunia, Nafarroa; Piamonte eta Emilia Romana (Italia); Baden Wurttemberg (Alemania); West Midlands (Britainia Handia), Rhone-Alpes (Frantzia) edo Salzburgo (Austria). Besteak beste, honakoak hartzen dira kontuan: industriako eta teknologiako espezializazioa, bere ekonomiaren sektore-egitura, tamaina, demografia eta kokapena.