Gaurko eguraldia euria eta, leku altuenetan, elur zertxobait ere uzten dabil. Hala, elurra dihardu orain Kurtzetan, irakurle batek bidalitako argazkiak erakusten duen moduan.
Arratsalderako, eguraldiak hobetzera egingo du, Euskalmet-en arabera. Orain, elur-kota 700-800 metro inguruan dago eta 900-1.100 m-ra igotzen doa.
Arratsalde-gauean 800-900 metrora jaitsiko da eta gauean 700-800 metrotan kokatuko da. Trumoi-ekaitzak eta txingorra botatzeko arrisku handia dago.
Biharko, 700-800 metroko elur-kota eta prezipitazio txikia iragartzen ditu Euskalmetek EAErako. Martitzenean, hobetu egingo da; arratsaldean oso hodeitsu edo estalita egongo da eta prezipitazio txiki-ertaina egingo du, baina elur-kota igo egingo da eta 1.200-1.400 m inguruan kokatuko da egunaren azken orduetan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.