Greba eguna denez eta herrietako komertzioak itxita daudenez, guztiak naturaz gozatzera joan dira Urkulu aldera. Ondo prestatuta joan diren familia eta lagun taldeak ere izan dira. Esaterako, Ermutik 21 laguneko koadrila egon da Urkulun: 14 nagusi eta 7 ume izan. Lehenengo aldiz bisitatu dute Urkulu gaur eta hondartzan egongo bailiran bezala, itzala egiteko bi eguzkitako handi eta guzti ipini dituzte. Bazkari eta guzti etorri dira.
Umeak gustura
Etxeko txikienek ere greba egunaz aprobetxatzeko aukera izan dute, beraz, gaurko egunean. Eskolarik ez dute izan, eta , batzuk bizikleta edo patinetan ibili dira. Beste batzuk, berriz, animaliak gertu-gertutik ezagutu dituzte.
Haur zein heldu, gaur herriko denda, taberna eta bestelako komertzioak itxita zeudela aprobetxatuta, irteera egin dute Urkulu bezalako aisialdi guneetara.