Business Acceleration Center - Mondragon BACek Berrikuntza irekia deituriko ekimena abiatu zuen joan den urrian, Industria eta Berrikuntza Sailarekin batera. Horren ondoren, Zientzia eta Teknologiaren Euskal Sistemako eragileek emandako adierazpenak jasotzeko epea 2012ko otsailaren 10ean itxi zen; guztira 153 ekarpen jaso dira.
Ondoren, Zientzia eta Teknologiaren Euskal Sistemako eragileen ekarpenak Mondragonen enpresek baloratu zituzten, proposamen horien teknologia eta negozio aukerak oinarritzat hartuta.
Datorren eguazteneko jardunaldian, hainbat saio egingo dituzte aldi berean, teknologia eta merkatu esparruen arabera multzokatuta. Mondragoneko enpresek 40 hizlariren proposamenak zehatz-mehatz ezagutzeko aukera izango dute bertan.