Martxoaren 30etik apirilaren 1era, ostiraletik igandera, Baketik-ek Nork bere buruarengandik ikastea izenburua daraman ikastaroa eskainiko du.
Baketik-eko ordezkarien esanetan, gutako bakoitza irakasle aparta izan daiteke norberaren buruarentzat. Geure zailtasunak, gatazkak, bizipenak, lorpenak, pozak edota porrotak eraldaraziko eta haziaraziko diguten ikasgai onenak dira. Ikastaro horren helburua geure eskarmentua aprobetxatzen ikastea da: bai bizitza pertsonalerako eta baita besteekin bizitzeko ere.
Isiltasuna tresna moduan
Bere metodologiak isiltasunezko tarte zabalak hartzen ditu norberak bere buruari entzuteko, norberaren gozamenerako eta egonaldiari probetxu ateratzeko. Ikastaroa funtsezko tresna didaktikotzat isiltasuna duen bizizikasi pedagogian oinarritzen da. Ezinbestekoa da geure buruari entzun, geure burua ulertu eta geure buruarengandik ikasi ahal izateko.
Bi egun eta erdiko ikastaroa da. Ostiralean, martxoaren 30ean 17:00etan hasi eta igandean, hilaren 1ean, 19:00etan amaituko da. Ikastaroaren matrikula 90 eurokoa da eta ostatuagatik (gastu guztiak barne) 70 euro ordaindu beharko dira.
Izen-ematea 943 25 10 05 telefonoan egin daiteke edo info@baketik.org helbidera idatzita.