Helburua da soldadura prozesuen kontrol eta aurreikuspenean, material aportazioan eta azaleko edo bestelako tratamendu termikoetan simulazio arloan industriari irtenbiderik onena eskaintzea.
Analisis y Simulacion teknologia integrazioa eta ezartzean, produktuaren garapen eta berrikuntzan, eta fabrikazio-prozesuen optimizazioan espezializatutako ingeniaritza enpresa bat da. Esperientzia, metodologia eta erreferentziazko softwarea eta aplikazio eremu bakoitzeko egokiak diren giza baliabideak eskaintzen ditu.
Ordiziako IK4-Lortek Mondragon Korporazioko kide da, eta IK4 aliantzan integratutako ikerkuntza zentroa da. Loturen teknologian espezializatua dago. Bere teknologia aurrerakoiak eta esperientzia, simulazio-software-tresnak erabiltzea, eta, enpresen kasuan, kasuko beharren ezaguera dira bere ekarpen nagusiak.
Sysweld eta Weld-Planner tresnak erabiliko dira. Software "zehatzak" dira, IK4-Lorteken esanetan, eta soldatutako fabrikazio-prozesu edo antzeko prozesuak, esate baterako, bero eta gainazal tratamenduak, zehaztasunez modelatzea bermatzen dute.