Kongresua bihar hasi eta egubakoitzera arte iraungo du. Helburua da materialek luzaroago iraun dezaten lortzeko ikerketa berrienak plazaratzea. Horretarako, 150 aditu batuko dira, eta 100 ponentzia baino gehiago egingo dituzte.
Ikerketa horiek eguneroko bizitzan sarri aplikatzen dira: adibidez, hegazkinen hegoak erresistente egiteko, ibilgailuen amortiguazio sistemak egiteko, igogailuen eta hainbat estruktura zibilen suspentsio-sistemetarako -hala nola Bizkaiko Zubia, Zubi-zuri pasabideko beira tenplatuzko lurzorua…- eta segurtasunean zuzen-zuzenean eragiten dute.