Badihardue iragartzen gaur atzera ere elurra ikusteko aukera izango dela. Baina aurreikuspenen arabera, ez da horren erraza izango. Izan ere, adituek diote egitekotan, 700-800 metrotara egingo duela elurra; eta gainera, prezipitazio txikia espero dute adituek. Gutxieneko tenperatura hiru gradukoa izango da Arrasaten, maximoa, berriz, hamarrekoa. Bihar eguerdian hasiko dira tenperaturak igotzen.
Gaurko egunaren beste ezaugarrietako bat haizea izango da: "Ipar-mendebaldeko haize ahul-bizia ibiliko da, bolada gogorrekin kostaldean eta mendi inguruetan", adituen esanetan.
Biharkoari dagokionez, berriz, zeru hodeitsua iragarri dute aurreikuspenek, prezipitazio txikiarekin; eta goizean gaurko maila berean egongo da elurra: 700-800 metrotan. Hala ere, eguerdian dagoeneko hasiko da maila hori igotzen eta 800-900 metrotan kokatuko da.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.