Ekintzaileek "kontratatzeko ilusioa" dutela berretsi dute: "Gure proiektuetan sinisten dugu, hazten ikusi nahi ditugu, eta, horretarako, pertsonen laguntza dugu". Euren iritziz, enpleguaren arazoari aurre egiteko, garrantzitsua da gizarte eragileek akordioak egitea eta politika publikoak koordinatzea.
Ekintzaileok eurek dituzten konpromisoak ere aipatzen dituzte: "Ekintzaileok sorkuntza eta proiektu berriak lideratu behar ditugu, eta horregatik, aurrera ateratzen gabiltzan enpresa motaren gainean gogoeta egin behar dugu. Ezin dugu lege baten zain egon, erabateko aldaketa baten bidetik ekimen lehiakorragoak egiteko. Ekintzaile izateak berrikuntza, proaktibitatea, sormena eta arriskuak hartzeko borondatea bezalako balioak eskatzen ditu. Iraultza baten zati gara, eta aukera paregabea dugu hainbat arlotan funtsezko aldaketak eragiteko. Gure iritziz, etorkizuneko berme bakarra da proiektuak garatuko dituzten pertsona eta antolakuntza-ereduetan gaur inbertitzea".