Lana aurkezteaz gain, elkartearen izaera eta bere egitasmoaren nondik norakoak azaldu dituzte. Horrekin batera, film dokumental bat eman dute. Etxe honi, Goienari ere egiten zaio erreferentzia dokumentalean.
Egoitza Eskoriatzan duen elkartearen hirugarren lana da gaur aurkeztu dutena, euskararen esperientziaren ikerketa eta sintesia egiteko egitasmoaren barruan. Aurreko lanak Euskararen Berreskuratzea. Hizkuntzak biziberritzeko gako batzuk eta Hizkuntzen estandarizazioa. Euskararen berreskuratzea II izenekoak izan dira.
Hizkuntza gutxituak
Garabide Elkartea euskalgintzaren eta hizkuntza gutxituak dituzten munduko beste komunitateen arteko zubi lana egiteko sortutako elkartea da.
Beste kontinenteetako eragileekin esperientzia-trukean ari dira Garabidekoak eta trukeotan bost lerro azpimarratzen dituzte, beste alor batzuk gutxietsi gabe, estrategiak sortzeko lehen eskema sinple moduan:
Copusa, hezkuntza, hedabideak, kultur sorkuntza eta familia transmisioa.
"Hedabideen gaia ezinbestean agertzen da euskararen garabideen artean". Eta, aurrera begira ere, "hala izateko itxura du", hitzaurrean Jon Sarasuak komentatzen duen moduan.
"Hedabideak hizkuntzaren bizi-indarra berritzeko ahalegin-lerro nagusietakoa izango dira. Zer egin du euskal komuniitateak hedabideen alor honetan? Hasteko, adi egon. Hamarraldi bakoitzeko aukerei eta beharrei adi egon. Euskaraz egin zitekeena amestu, antolatu eta ekintzara pasa".
Gaur goizeko aurkezpenaren bideoa hemen: