Langileen eskubideak "murrizten" direla uste du Enplegu Sailak, eta iritzi hori sostengatzen duten arrazoiak ematen ditu:
1. "Kaleratze guztiak objektiboak izango dira", esaten du, eta gaineratzen du: "Krisia hasi zenetik, ze enpresak ez daroa hiru hiruhileko segidan salmentetan gutxiago irabazten?"
2. Ekintzaileen kontratu berriari arazoa ikusten dio: "Probaldia urte betera pasatzen da. Horrek esan nahi du urte betean inongo kalte-ordainik gabe kaleratu dezaketela".
3. Enpresa-hitzarmena gailentzea kritikatu du Enplegu Sailak: "Enpresan egindako hitzarmena beti egongo da beste edozeinen gainetik, eta enpresa txiki eta ertainei kalte handiagoa egin dakieke, langileen ordezkaritza ez dagoelako hain artikulatuta".
4. Ultraaktibitatea: "Gehienez ere bi urte dago lan-hitzarmena negoziatzeko. Ez bada hala izan, desagertu egiten da eta bakarrik Langileen Estatutua geratzen da", azaltzen du Eusko Jaurlaritzak.
5. Barne-malgutasuna: "Lan Agintaritzaren baimen administratiborik ez da behar izango lan-eguna murrizteko eta kontratuak bertan behera uzteko".
6. Sektore-hitzarmenak dioen gutxieneko soldataren azpitik ordaintzea: "Orain errazagoa izango da, ados jartzen ez badira arbitrajea egin behar izango dutelako", esaten du Enplegu Sailak.
7. Enpresa-kausengatik kaleratzea: "Ez da aurretiko baimen administratiborik behar izango Lan Agintaritzaren aldetik", azpimarratzen du Enplegu Sailak.