Foru Fondoak gutuna bidali dio Gipuzkoako udal bakoitzeko kontu-hartzaileari, udal horretarako behin-behineko diru-kopuruarekin. Diru hori Udal Foru Fondoaren aurrekontuaren eta gerora egindako likidazioaren arteko aldea da; alde negatiboa udalendako.
Foru Aldundiko ordezkarien esanetan, otsailaren 14ko batzarretik irteten den datua oraingoaren "oso antzekoa" izango da; "baliteke doiketa txiki bat egotea", gaineratu dute.
Otsailaren 25ean, Udal Foru Fondoaren aurrekontuaren eta likidazioaren arteko aldearen erdia ordaindu beharko dute udalek. Kopuru hori finkatuta dago eta "ez da aldatuko", Aldundiak ohartarazi duen moduan.
Debagoienaren kasuan, zortzi udalek 2.136.100,43 euro ordaindu beharko dituzte otsailaren 25ean, herriz herri honela banatuta:
- Antzuola: 72.686,03
- Aretxabaleta: 225.487,80
- Elgeta: 37.653,85
- Eskoriatza: 137.552,72
- Arrasate: 746.700,40
- Oñati: 368.818,87
- Leintz Gatzaga: 13.218,16
- Bergara: 497.310,59
- EUDELi dagokion zatia: 36.672,01