Gipuzkoaren atzetik, Bizkaian sortu ziren lan elkartuko kooperatiba gehien: 39 izan ziren. Gero, Araban (17) eta Nafarroan (9).
Lan elkartuko kooperatibak industria, zerbitzu eta eraikuntza sektoreetakoak dira.
Erkidek, Euskadiko Lan Elkarteen, Irakaskuntza eta Kreditu Kooperatiben Federazioak jakinarazi ditu datu horiek. Espainiako erkidego guztietakoak eman ditu, eta nabarmendu du "Euskadi, 102 lan elkartuko kooperatiba berrirekin, liderra" dela, "Andaluzia, 86 kooperatibarekin, eta Murtzia, 68rekin, jarraian datozela", esan du Erkidek.
Urte gehienetan, EAEn eratzen dira kooperatiba gehien; azken urteotan, inoiz Murtziako erkidegoan bakarrik sortu izan dira gehiago.
Erkide pozik agertu da iazko kopuruarekin: "Enpresa kooperatiboaren ereduak euskal ekintzaile berriendako zein erakargarria den erakusten du", baloratu du.