"Donostiako Udala eta Gipuzkoako Foru Aldundia lau urteko plangintzaren diseinuan parte hartzekoak ziren, erakunde sortzaileak diren aldetik. Eguenean, EAJk, PSEk, PPk eta UpyDk kutxetako batzarrak atzeratzeko erabakia hartu zutenez, Bildu baztertzea erabaki zuten" dio Gipuzkoako Foru Aldundiak.
"Erabaki horrek baztertuta uzten du Gipuzkoako Foru Aldundia". Bere garaian eratutako Administrazio Kontseilua "ilegitimoa" delako eta aipatu alderdiek "bidegabekeria horrekin jarraitu nahian" kutxetako batzarrak atzeratzea erabaki dutelako, Gipuzkoako Foru Aldundiak ez zuen parte hartu, atzo, datozen lau urteotako Gizartekintza diseinatzeko saioan. "Entitate sortzaile gisa, egoera honi irtenbide orokor eta integrala" bilatu behar zaiola dio Foru Aldundiak.
Aldundiaren iritziz, alderdi politiko guztiak ordezkatuko dituen Administrazio Kontseilu berriari dagokio Gizatekintza gidatzea, eta ez "lehen indar politikoa baztertzea oinarritzat duen Administrazio Kontseilu ilegitimo bati".