Edozelan ere, Debagoieneko herri gehienetan aktibatuta daude eguraldi txarrari aurre egiteko protokoloak eta datozen orduotarako adi ibiliko dira, egubakoitzerako daude-eta iragarrita tenperaturarik hotzenak.
Elurra kentzeko makinak eta gatza
Tokian tokiko udalek hartutako neurriez gainera, Aldundiak gertu ditu Urola-Deba barrutirako 17 ekipo oso eta beste bi arin, guztiak ere elurra kentzekoak: hala , besteak beste, Arlabanerak o bi ekipo daude ; Leintz Gatzagarako bat eta beste bat arina; Kanpanzarrerako beste bat dago; Deskargarako, lau; Elgetarako bat eta Azkaraterako beste bat.
Eta izotzari aurre egiteko, berriz, guri dagokigun barrutian 2.300 gatz tona daude; gatz siloak daude Arlabanen eta San Prudentzion bana eta bi Deskargan, besteak beste, eta gatz biltegia San Prudentzion dago. AP-1 autopistari dagokionez, elurra kentzeko hamar ekipo dituzte eta paladun Pick-Up bat.
Gatza eska daiteke
Horrez gainera, herri gehienetako Udalek ere badute gatza gertu herri barruetan botatzeko, baserrietan banatzeko, eta behar duten herritarrei emateko. Udalean eskatzea besterik ez da.