Egubakoitz osoa zero azpitik

Siberiatik datorren haize hotzak zero azpiko tenperaturak utziko dizkigu ondorengo egunotan. Egubakoitza izango da bereziki hotza, eguraldi iragarpenek diotenez. Elurraren kota jaitsi egingo da eta kostalderaino helduko da. Elur gutxi egingo du, ordea, zapatuan, akaso. Baina, izotza, nonahi. Egubakoitzean, zerotik ez da igoko egun osoan tenperatura eta Arrasaten, esaterako, gradu bat zero azpiko maximoa eta lau gradu zero azpiko minimoa iragarri du Euskalmetek. Zenbat eta gorako eta zerua argiago, hotzago egingo du. Arantzazun, Elgetan, Leintz Gatzagan…, berokia izan ondoan.