Miguel Altuna Institutuak jakinarazi du bi ikastarotan oraindik jende gehiagorendako lekua dagoela:
- Urradura, elektro higadura eta prozedura berezien bidezko piezen fabrikaziorako CNCn programen sortzea (Sarpen bidez/ Hari bidez). Urtarrilak 30-martxoak 29; astelehenetik eguenera, 18:00-20:30.
- Fabrikazio mekanikoko produktuaren dokumentu kudeaketa (Solid Works. Multzoak). Otsailak 6-martxoak 1. Astelehenetik eguenera, 18:00-20:30.
Informazio gehiagorako edo izena emateko, deitu 943 76 70 49 telefonora edo bidali mezua ikastaroak@imaltuna.com helbidera.
Bestalde, MU Plus-en bidez, bi ikastaro deitu dira. Langabeendako %20an diruz lagunduta daude, eta langileek ere bonifikazioak dituzte.
- Enpresa-kudeaketa ikastaro aurreratua. Zuzendariendako trebetasunak –bisio estrategikoa, lidergoa eta enpresaren arloen ikuspuntu globala, esaterako- garatzen lagunduko du. Urtarrilaren 31n hasiko da eta Oñatiko Enpresagintza Fakultatean izango da. Informazioa: www.mondragon.edu/muplus/cage
- Finantza ikastaro aurreratua. Finantza arduradunek plan estrategikoak bisio global batetik egin behar dituzte, eta erabaki zuzenak ahalbidetu. Horretarako formakuntza ematen du ikastaroak. Urtarrilaren 30ean hasiko da, Oñatiko Enpresagintza Fakultatean. Informazioa: www.mondragon.edu/muplus/caf