ESK sindikatuak langileei dei egin die urtarrilaren 26ko eta otsailaren 9ko mobilizazioetara, honakoa esanez: "Azken bi urteotan, krisia benetako gizarte gerra baten sorburua izan da. Kapitalak eta administrazio publikoek deklaratu duten gerra, aurrekontuak murriztuz eta lan eta gizarte kontraerreformen bidez Ongizate Estatuaren eskubideak suntsitu egin nahi dituzte".
ESKrentzat, Eusko Jaurlaritzak onarturiko murrizketa-neurriak "sektoreko negoziazio kolektiboaren aurko erasoak dira, erabakitzeko ahalmena mugatzen baitituzte, langileen lan baldintzen okerragotze garbia dakartzatelako eta aldi berean zerbitzu publikoen aurkako eraso garbiak direlako".
Mobilizazio horretara dei egiteko, 20 bat afiliatuk kale-bilkura egin zuten atzo Eusko Jaurlaritzaren Bilboko egoitzaren aurrean.