Gaur, astelehena, hasiko dira Goienako hedabideen gaineko galdeketa telefonoz egiten. Eskualdeko biztanleen artean egingo du galdeketa Aztiker enpresak Goienaren enkarguz. Helburua da herritarrek hedabideak kontsumitzeko dituzten ohiturak ezagutzea eta etorkizunean izan ditzaketenez iritzia jasotzea. Galdeketa telefonoz egingo da eta bailarako 800 lagunen iritziak jasoko dira. Zuri, erabiltzaile, egokituz gero, eskertuko genizuke deitzaileari kasu egingo bazenio 10 minutu iraungo duen elkarrizketan.
Galderak hedabideen kontsumoarekin lotutakoak dira; hainbat galdera pertsonal egin ditzakete, baina zure eta etxekoen euskararen ezagutza mailarekin, ikasketa mailarekin eta gaur egungo lan egoerarekin izango dute zerikusia. Hortik aurrerako galdera pertsonalik ez da erantzun beharrik izango. Erantzunen anonimotasuna ziurtatzen du Goienak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.