On-line diru-mailegua eskatzeko, Nortasun Agiri Elektronikoa erabiltzea da modu samurrena. Industria Ministerioak Weemba plataforma aukeratu du, berak azal dezan bideo bitartez NA elektronikoarekin zelan eska daitekeen mailegua, Avanza 2 planaren barruan. Bideoa euskaraz, espainolez, katalanez eta galegoz argitaratu dute.
Weemba España enpresako presidente Andres Belloren esanetan, iaz EAEko biztanleek eskatu zuten beste inongoek baino mailegu gehiago plataforma horren bidez: 125 milioi euro erregistratu zen mailegutan enpresa horretan, eta EAEri zegozkion horietatik 4.
Bideoa helbide honetan dago: http://www.youtube.com/watch?v=V1FmIoKrmUo
Internetez mailegua eskatzeko, NA elektronikoaz gain, ohiko ziurtagiri digitalarekin erregistratu daiteke norbera: FNMT agiria, merkataritza-ganberen agiriak eta, Katalunian, idCat agiria.
Gehiena, hipotekarako
Iaz EAEko biztanleek Weembaren bidez eskatu zituzten 4 milioiak honela banatzen dira: etxeko kontsumo beharretarako zen %30; hipotekak, berfinantzazioa eta zorrak bateratzeko, %52; eta enpresa txiki eta ertainendako eta enpresa berrietarako, %18.