Udaletxe barruan egungo eta garai hartako alkate eta zinegotziei egindako harrerak eman dio ekitaldiari hasiera. Bertan izan dira Aramaioko lehen eta oraingo alkateak, Arrasateko eta Bergarako egungo alkate eta zinegotziak. Orduan, Alkateen Mugimenduak idatzi zuen manifestua gogorarazi dute.
Debekatzeko mehatxua
Manifestua Iñigo Elkorok irakurri du aitaren izenean. Ondoren, ikus-entzunezko baten bitartez gertatutakoa gogorarazi dute ekitaldian. Audientzia Nazionaletik, ordea, ekitaldia debekatzeko mehatxua jasoa zuten. "Jose Luis Elkoro aipatu edo omentzen bazen legez kanpo utziko zutela ekitaldia zioten Audientziatik", kontatu digu Kristina Elkorok.
Jose Luis Elkororen alabak ekitaldia bukatu bezain azkar telefonoz aitarekin hitz egiteko aukera izan du: "Orain dela 35 urte ere ekitaldia egitea debekatu zietela esan dit aitak. Oraindik ere orduan egin zituzten aldarrikapenak oso egungoak direla dio. Ekitaldian aipatu dena jakin gura zuen".
Ekitaldia duela 35 urte bezala amaitu dute. Orduan, etorritako guztiek eskuak gora zituztela, Aupa gizona abestuz.
Etxarri 2012 egitasmoa
Erabakitzeko eskubidea eta memoria historikoa oinarri duen egitasmoa abian jarri dute aurten: Etxarri 2012 egitasmoa.