Eszenatoki politiko berrian, Urkulluk eramango duela alderdiaren makila azaldu digu, baina, alderdia ez dela pertsona bakar bat, ez dela alderdi presidentzialista azpimarratu gura izan du Oiarbidek: "Gure alderdiak datorren lau urtetarako ibilbidea egiterakoan jende askoren aportazioa jaso dugu, ez da pertsona bera garrantzitsuena, adostutako ibilbide hori baizik".
Urkulluren hurbilekoek osatu dute zuzendaritza talde berria: bost bizkaitarrek, bi arabarrek eta gipuzkoar batek. "Euskal Herri osoko ordezkariak daude EBBn", dio Oiarbidek.
EAJk azken urteotan bi gipuzkoar izan ditu EBBn; orain, bakarra izango du: Aitor Olaizola.
Hemendi aurrera, lurraldeetako exekutibak berritzeko prozesua irekiko da. Ikusteko dago Egibar aurkeztuko den GBBko buru izateko. Oraindik ez du ziurtatu aurkeztuko den edo ez.