Hemezortzi kilometro eskas egingo ditu Espainiako Itzuliak Debagoieneko errepideetatik. Abuztuaren 20an Gasteizko mendateetatik etorriko dira ziklistak, eta Arlaban aldetik sartuko dira bailarara. Kuriosoa da, webgunean, Arlabango mendatea zehaztu barik Leintz Gatzaga jaitsiko dutela adierazten dutelako, baina zalantzan utziko dugu hori, argitu arte –ez delako oso ohikoa–. Eskoriatzara iritsita, txirrindulariek Arrasaterako bidea hartuko dute, handik Kanpantzar igotzeko. Eta, handik Elorriora jaitsiko dira, Areitio igo eta azken mendateari aurre egiteko: Arrate.