Lan-istripu eta lan-gaixotasunen Asepeyo mutuak 45 gurasori onartu die minbizia edo beste gaixotasun larriren bat duten seme-alabak zaintzeko diru-prestazio berria. Gizarte Segurantzak eman dituen laguntza mota horretatik %15,68 eman ditu Asepeyok. Debagoienean ere badu ordezkaritza mutua horrek; Bergaran, hain zuzen.
Minbizia edo beste gaixotasun larri bat duten seme-alabak zaintzeko prestazioa 2011ko urtarrilaren 1ean onartu zen, baina uztailaren 29ra arte ez zen indarrean sartu; Ministroen Batzordeak 1148/2011 errege-dekretuaren bidez zehaztu eta garatu zuen arte, alegia.
Asepeyok esan duenez, emandako prestazioetatik 40 erregimen orokorreko langileendako izan ziren, eta beste bostak, norbere kabuzko langileendako. Mota berri horretako prestazio gehien eman duten mutuen artean dago Asepeyo.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.