Kanpaina hori aurrera eramaten dute 2004a ezkero, eta CMR enpresaren laguntza dute. CMR aditua da poltsikoko telefonoen zatiak birziklatzen edo beste gauza batzuetarako erabiltzen. Enpresa hori arduratzen da jasotako telefonoak batzeaz, zatitzeaz eta sailkatzeaz.
Norbere telefono zaharra emateko bi modu daude: bat, horretarako egokitutako kutxetan uztea, eta bestea, antolatzaileek ordaindutako posta bidalketaz. Egokitutako lekuak zeintzuk diren jakiteko, eta ordaindutako postaren agiria inprimatzeko, www.donatumovil.org webgunera jo behar da.