Abenduko TU Lankide aldizkariak ematen ditu eskaera horien gaineko xehetasunak. Hala, Volkswagen enpresa alemanarendako ebakitze-servoprentsa Kassel-en duen lantegian instalatuko dute. Trokela azkar aldatzeko bi mahai mugikor izango ditu prentsa horrek, eta asmoa da udarako makina martxan egotea. TU Lankide-k gogora ekartzen duenez, Fagor Arrasate da, gaur egun, ebakitzeko servoprentsetan munduko liderretako bat.
AEBetako Ford Motors multinazionalak, bestalde, blanking line delako prentsa-lerroa diseinatu, ekoiztu eta hornitu dezan eskatu dio Fagor Arrasateri. Indian, Tamil Nadun Ford-ek duen lantegian ipiniko da lerro hori.
Azkenik, Renault automobil-enpresak zizaila apurtu-oszilatzaileko bi ebakitze-lerroz hornitzeko eskaera garrantzitsua egin dio Fagor Arrasateri. TU Lankide-k dioenaren arabera, horietako bat Europako herrialde baten ipiniko dute, eta bestea, Afrikako herrialde baten.