Kooltur Ostegunak ekimenaren eskutik, bisitari berezia izan dute gaur arratsaldean Arrasaten, txaranga doinuekin lagunduta etorri den bisitaria gainera: Porrotx egon da herrian, Patakon piratarekin eta Bonberenea txarangarekin batera.
Bostetan izan da hitzordua Arrasateko plazan, eta han egon dira puntual-puntual Bonberenea txarangako neska-mutilak euren musikaren haur zein nagusiak dantzan jartzen. Behin giroa berotuta zegoenean agertu da Porrotx, eta ondoren, denak batera Arrasateko Gaztetxera abiatu dira. Han eskaini dute ikuskizuna Porrotxek eta Patakon piratak, beti ere musikaz lagunduta eta handi zein txikiei barre algarak eraginez.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.