Infantil kategoriako 16 talde batu ditu torneoak, gehienak Gipuzkoakoak eta, tartean, Debagoienekoak: Leintz, Bergara, Aretxabaleta, Oñati eta Arrasate.
Herri bertako taldea bikain aritu da aurten, gainera, eta Azpeitiko Lagun Onak-en kontra neurtu ditu indarrak, hirugarren eta laugarren postuak erabakitzeko partiduan; 3-2 emaitzarekin amaitu da neurketa etxekoen alde eta, beraz, hirugarren sailkatu da talde zuri-morea. Finalean, berriz, Reala eta Donostiako Antiguoko izan dira nor baino nor, eta Antiguokorentzat izan da garaipena: 1-0 hartu du mendean Reala.
Antolatzaileak pozik azaldu dira parte-hartzearekin eta jokalari gaztetxoek erakutsitako joko maila onarekin.
Gaur, eguena, jokatu dute Mondra futbol taldeko kide zen Jose Luis Ibarguen ‘Txelis’-en omenezko futbol torneoa, Arrasateko Mojategin. Bosgarren edizioa izan da aurtengoa eta, beste behin ere, harrera ona izan du. Etxeko taldeen artetik Mondra heldu da urrunen; hirugarren geratu da.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak