Gaia librea izango da
Gaia librea da sail guztietan. Lan guztiak lelo batez sinatuko dira eta ondorengo bi modutan aurkez daitezke:
- Posta elektronikoz bidalita. Bi dokumentu bidali beharko dira helbide honetara: aed@aedelkartea.com. Dokumentu batean, lehiaketara aurkeztutako idazlana joango da, egilearen izenik gabe. Bestean, ostera, idazlanak daraman leloa, egilearen izen- abizenak, helbidea eta telefono zenbakia azalduko dira.
- Paperean inprimaturik bidalita. Idazlanaren hiru kopia aurkeztu behar dira, lelo berarekin sinatuta hiruak. Horrekin batera gutun azal itxi bat aurkeztuko da, barruan egilearen izen-abizenak, helbidea eta telefonoa adieraziz. Lanak AED elkartearen egoitzara bidali edo eraman behar dira: AED elkartea. Pablo Uranga 4, behea. 20500 Arrasate.
Finalistak nortzuk diren maiatzaren 4an esango dute
Finalisten zerrenda maiatzaren 4an kaleratuko du epaimahaiak AED elkartearen web gunean –www.aedelkartea.com– eta Goienako hedabideetan.