"2012ko urtarrilaren 1etik aurrera, mediku larrialdi irizpideei jarraituz, gaueko larrialdi farmazia, 22:00tik 09:00ra irekita egongo dena, Arrasaten kokatuko da. Honek esan nahi du, aipatutako datatik aurrera ez dela gaueko larrialdiko farmaziarik izango Oñatin Aretxabaletan eta Eskoriatzan". Halaxe dio oharrak.
Hortaz, Arrasaten, Oñatin, Aretxabaletan eta Eskoriatzan, gaueko farmazia larrialdia duten herritarrek, Arrasateko guardiako txandako farmaziara jo beharko dute.
Eguneko guardiak, 09:00etatik 22:00ak arte, orain arte bezala jarraituko dute.
Bergaran ez da aldaketarik izango. Oraingo moduan jarraituko dute.
Gaueko zerbitzu hori, hortaz, Mondragoeko botikek, txandaka, eskainiko dute, orain arte bezala. Aldatzen dena da, zerbitzu hori, Oñatiko, Aretxabaletako eta Eskoriatzako herritarrei ere eman beharko dietela, aipatu herri horietan ez delako zerbitzua eskainiko.
Gure eskualdean, honenbestez, bi herritan eskainiko dute zerbitzua, gauez, botikek: Mondragoen eta Bergaran.