Jaurlaritzaren Kontseiluak 322 milioi euroko gastua baimendu du gaurko Gobernu Kontseiluan, Diru-sarrerak Bermatzeko Errenta (DBE) eta Etxebizitzako Gastuetarako Prestazio Osagarria (EGPO) datorren urtean ordaintzeko. Aurrekontu Orokorrak 2012. urterako onartzen dituen lege proiektuak 280 milioi euroko kreditua ezartzen du DBErako, eta 42 milioiko beste bat EGPOrako.
Bi laguntza horiek Lanbideren aurrekontuetan jasotzen dira; izan ere, 2012ko urtarriletik aurrera erakunde hori arduratuko baita horien kudeaketaz.
Laguntza horiek hilero ordaindu behar direnez, Jaurlaritzaren Kontseiluak gastu-espediente hori aldez aurretik izapidetzea erabaki du; horrela bermatu ahal izango da laguntzen kudeaketaz eta ordainketaz arduratzen den erakundeak diru baliabide nahikoak dituela 2012ko urtarriletik hasita horiek ordaintzeko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.